Ish-ministri i Brendshëm, Saimir Tahiri është person nën hetim prej më shumë se 1 viti, i dyshuar për bashkëpunim me kushërinjtë Habilaj në trafikun e marijuanës.
Prokuroria së fundmi i ka shtyrë hetimet edhe me 3 muaj të tjerë, ndërsa vetë Tahiri është parë të shijojë “pushimin”, duke udhëtuar në vende të ndryshme.
Por së fundmi, (edhe pse ai në rrjetet sociale shfaqet duke u argëtuar), qarkullojnë lajme se Tahirin e kanë rrahur. Edhe pse policia e shtetit nuk ka dhënë asnjë informacion për këtë ngjarje, mbrëmë ka qenë lideri i opozitës Lulzim Basha që ka deklaruar në “Opinion” se Saimir Tahiri është rrahur për dosjen “Xibraka”.
Sakaq, po dje gazetari Armand Maho përmes një postimi në facebook tregon se e ka parë rastësisht Tahirin në rrugë dhe dukej i trembur, madje i tromaksur.
Reagimi i plotë i Mahos:
Nga cfare ka frike Tahiri?!
Sa per kulture te pergjithshme, per cfare i duhen bodigardet Sajmir Tahirit. Ky vend ka pasur me dhjetra ish ministra te brendshem, po nuk i kam pare te ruajtur me kaq masa sigurie! E pashe sot tek Tirana e Re, eci nje cope rruge ne kembe, dhe dukej si i tromaksur shihte sa majtas djathtas.
Me pas hipi ne nje Range Rover i cili e ndiqte me shpejtesi te ulet, me xhama te zi, dhe dy bodigarde, njeri ne timon dhe tjetri ne sediljen e pare. Vete Saja qe kishte zgjatur mjekren, u ul ne sediljen mbrapa. Nuk ishte hera e pare qe e shihja, e kam pare dhe tek libri universitar kur ecte pa teklif ne kembe.
Sot ishte goxha rende! Nga kush ruhet valle! Nga opozita?! Kete s’ma do mendja se ka ndonje mendje sado te ceket ta besoje! Nga media? Apo nga qytetaret? Nga kush?
