Gazetari i njohur kosovar, Berat Buzhala ka kërkuar që qytetarët të ndërgjegjësohen për pandeminë e koronavirusit dhe të respektojnë masat e qeverisë të cilat kërkon të jenë radikale.
Ai bën thirrje që duhet të reagojmë pa qenë vonë ndaj kësaj situate, duke sjellë një kujtim nga koha e luftës në Kosovë, kur tanket serbe ishin 3 kilometra larg dhe ai me disa kushërinj ishin ulur për të pirë çaj.
Në një status në Facebook, Buzhala i cili është i prekur nga Covid-19, tregon për vizitën e tij një natë më parë në spitalin Infektiv në Kosovë, ku sipas tij situata është dramatike. Shtretërit e personave që ndërrojnë jetë nga koronavirusi zihen vetëm pas një ore nga një tjetër i infektuar me simptoma të rënda shkruan gazetari.
“Me 25 mars te vitit 1999, nje dite pasiqe NATO pat fillu me sulme ndaj Serbise, me kujtohet, na, do kusheri, ia patem shtru çajit rus, anipse tenkat serbe na e dridhshin token nja 3 kilometra ma tutje, ne Kjeve. Ato aviteshin drejt nesh, e na i perzijshim çajat edhe ma tutje. Kemi ike ku koken kambet vec ne momentin kur kane kersite granatat e para mbi kulmat e shtepive tone.
Mbrame kam qene ne infektive deri vone (kjo informate eshte per juve qe po kerkoni qe jeta me u zhvillu normalisht) edhe situata atje eshte DRAMATIKE. Shtratin e nje personi te vdekur nje ore me pare e pushton nje tjeter qytetar i joni qe kerkon tretman urgjent. Qaj grusht i motrave dhe mjekeve qe gjenden ne vijen e pare te frontit po bejne perpjekje mbinjerezore qe se paku me i njofte krejt pacientat.
Na duhmi me e kuptu nje gja, e sa ma shpejt aq ma mire, ky vit eshte vit i humbun. Mos te krijojme iluzione. Ky eshte vit i mbijeteses e jo vit i krijimit te fitimit dhe vit i kenaqesise. Qeveria duhet me qene RADIKALE NE MASA, kurse qytetaret duhet me qene lojal dhe te bindun ndaj vendimeve. Na duhet me qene solidar me njani tjetrin. A po don qe ti me pase dasem e kojshia yt vdekje?
Eshte momenti i FUNDIT me e tejkalu veten, qe qeveria me e marre situaten nen kontroll, qe secili prej nesh me marre rol pozitiv, e jo me qene shkaktar ne degradim te gjendjes shendetesore.
Tenkat jane ne Kjeve, e na jemi tuj pi çaj te rusit.”, shkruan Buzhala.
Më herët Berat Buzhala ka njoftuar se edhe babai i tij është prekur nga Covid-19 dhe ndodhet i shtruar në spital.
“Bonu i fort e çohu neser. Befasona neve, befasoi edhe mjeket. E di qe prape kam me u marre me ty, mas shpines tande, ama gjithashtu e di qe ti e ke dite qe une po merrna me ty dhe veprat tuja. Na nuk jemi babe e djale, na jemi shoke. Naten prinduc.
(Kurse ju te tjeret qe po mendoni qe COVID eshte shpikje me te vertete ju deshiroj shume fat. Fat i deshiroj edhe shtetit qe e ka vendose me e pa si spektatator kete lufte qe tashme ka fillu.)”, shkroi ai në Facebook. /Opinion.al
