Gazetari Ferdinand Dervishi së fundmi ka dhënë një version krejt ndryshe nga sa kemi dëgjuar deri më tani për vrasjen e minoritarit. Sipas Dervishit, Kaçifas mund të jetë vetvrarë, pasi plumbat në gjoksin e tij, të japin idenë që ai mund të jetë qëlluar nga afër, me një armë të mbështetur në gjoksin e tij.
Gazetari u shpreh në emisionin “360 Gradë” se RENEA e ka të pamundur të qëllojë në distancën 2km me plumba 2 cm. Dervishi ndër të të tjera thekson se RENEA mund të qëllojë vetëm në 350 metra distancë.
“Unë gjeta një informacion që thotë se ka në gjoks dy plumba afër njëri-tjetrit. Mora edhe informacione të tjera dhe fillova të pyes edhe ekspertë të ndryshëm. Pranohet që ka elementë të puqitjes, të një arme që është mbështetur në gjoksin e tij.
Kush nga RENEA qëllon në 2 km larg në plumba 2 cm. RENEA ishte aty. Erdhi RENEA nga Tirana dhe ju tha që ky njeri ka një armë kallashnikov. Ekspertët thonë se vret 350 metra zyrtarisht.
Asnjë qitës në botë nuk mund të realizojë qitje 2 cm me dy plumba. Nuk bëhet. Edhe dy veta të ndryshëm nuk e bëjnë dot. Detaj tjetër janë vrimat e plumbave që janë të mëdhenj. RENEA ka marrë automatikë Bereta me 85 mlm. Në morgun e Gjirokastrës është bërë autopsia. E kanë parë edhe ekspertët. Në Gjirokastër është parë nga policia lokale, ka vajtur në morg. Autopsia bëhet për të parë drejtimin e qitjes.
Kemi një ekspertizë të Gjirokastrës që nuk dihet çfarë është. Kemi fotografitë në vendngjarjes nuk e dimë çfarë është. Pas autopsisë, është larë për t’ua dhënë familjarëve. Pra kemi një pamje të dytë. Nuk besoj kurrë që do të manipulohen gjitha së bashku”, tha gazetari.
