Referuar rastit të Dritan Dajtit, gazetari Ferdinand Dervishi tha se ai vazhdonte të ishte i fuqishëm edhe brenda burgut.
Duke fajësuar korrupsionin në sistemin e burgjeve dhe lidhjet me politikën, Dervishi tha njerëz të tillë kanë qenë në burg, po aq të fuqishëm, sa ishin edhe jashtë tij. Duke folur më pas në përgjithësi, Dervishi shtoi se njerëz të tillë kanë drejtuar edhe vrasje nga burgu.
Ndërkohë, më herët gazetari Artan Hoxha, lidhur me rastin e Dritan Dajtit ishte shprehur se duke qenë një ish-student drejtësie, Dajti kishte njohje të mira të ligjit dhe shërbente si këshilltar juridik për të burgosur të tjerë. / M.B
