Gazetari serb Stefan Cvetkoviq, ka marrë disa plagë të rënda mbrëmjen e së hënës teksa ndodhej në një kafene në qendër të qytetit të Bela Crkys.
Stefan Pjestarët e Ministrisë së Punëve të Brendshme në Bela Crkva, kanë arrestuar 39 vjeçarin S.Z, i cili dyshohet se ka qenë personi që e ka sulmuar fizikisht gazetarin. Prokuroria Themelore në Vrsac ka vendosur që do të ngrejë ndaj S.Z një kallëzim penal për kryerjen e veprës penale “Lëndim të rëndë trupor”. Gazetari Stefan është goditur me një shufër metalike nga i dyshuari, i cili tashmë ndodhet para autoriteteve për kërcënimin e Cvetkoviq, shkruan zoneelire.al.
Kjo ka ndodhur pasi gazetari është duke hetuar vrasjen e Oliver Ivanoviçit, një vrasje kjo mjaft e bujshme në vendin serb.
Stefan Cvetkoviq ka postuar një foto të tijën në Facebook, ku shfaqet me plagë të ndryshme në trup, ndërkohë që ka deklaruar se gjendet i sigurt jashtë Serbisë, pa e përmendur vendin ku është. “E madhe është forca me të cilën po përballem, por e shtrenjtë është shenjtëria me të cilën mbrohem. Mua mund të më vrisni, por jo të vërtetën”, është shprehur ai në statusin e tij në Facebook.
