Gazetari Artan Hoxha, pak minuta më parë në News 24, ka zbuluar detaje të tjera për bandën që akuzohet të paktën për tre grabitje bankash. Hoxha, bëri me dije, se banda ishte e ndarë në dy grupe.
Ish-komandot e arrestuar dje bënin pjesë në grupin që kryente grabitjen, së bashku me Admir Muratajn dhe Admir Çerpjen.
Ndërsa, në grupin tjetër bënte pjesë biznesmeni nga Kruja, dy vëllezër nga Tropoja, që janë nipërit e Muratajt, si edhe Xhyliu nga Lushnja, ish-polic privat.
Ky grup i dytë merrej vetëm me informacionet për bandën. Ata ndihmonin bandën edhe me automjete, logjistikë, informacione për lëvizjen e parave etj.
