Arratia e Klement Balilit ka zgjatur plot 2 vjet e 8 muaj.
Njëriu i etiketuar nga mediat greke si “Eskobari i Ballkanit” është vetëdorëzuar në polici për t’u përballur me drejtësinë.
Gazetari Artan Hoxha, i cili ka realizuar edhe një intervistë me të, ka publikuar në Facebook foto me Klement Balilin.
Siç shihet në foto, Balili ka ndryshuar pothuajse komplet pamjen e jashtme.
Dukshëm ai është dobësuar shumë, duke humbur disi nga pamja e tij e para dy viteve.
“Eskobari” ka vendosur të vetëdorëzohet në polici, pas disa muajsh negociata me autoritetet shtetërore.
Ai ka kërkuar që të mos dhunohej dhe t’i garantohej një proces i drejtë ligjor, si dhe të mos ekstradohet në Greqi.
Intervista e tij përballë Artan Hoxhës, do të transmetohet nesër në mbrëmje.
