Një vajzë 12-vjeçare u vra në një sulm ajror izraelit dje që shkatërroi katet e sipërme të një ndërtese tregtare në Gaza.
Kjo fotografi tregon babanë e pikëlluar duke mbajtur trupin e mbuluar të Rahaf al-Dayer, 12-vjeçe, në spitalin al-Shifa.
Sulmi gjithashtu shkaktoi dëme në ministrinë e Shëndetësisë dhe klinikën kryesore të kujdesit shëndetësor.
Nuk ka pasur asnjë shenjë të një armëpushimi të përkohshëm për të lejuar mjekët të mjekojnë njerëzit e lënduar që ndodhen poshtë ndërtesave të shembura.
Tetë ditë sulme ajrore izraelite dhe raketat kanë vrarë më shumë se 200 njerëz, shumica dërrmuese e tyre palestinezë.
Tensionet mes Izraelit dhe Hamasit shpërthyen javën e kaluar pasi policia izraelite plagosi qindra palestinezë gjatë protestave dhe oficerët sulmuan xhaminë al-Aqsa – vendi i tretë më i shenjtë në Islam.
12 njerëz në Izrael, duke përfshirë dy fëmijë, janë vrarë nga militantët, të cilët kanë lëshuar më shumë se 3,000 raketa gjatë javës së kaluar.
Zyrtarët shëndetësorë të Gazës thonë se 213, përfshirë 61 fëmijë, janë vrarë në të njëjtën periudhë./Opinion.al
