Presidenti i Partizanit, Gaz Demi, pas derbit të parë kur ekipi drejtohej nga trajneri Shpëtim Duro, deklaroi se sa të ishte ai president, Tirana nuk do të njihte fitore.
Rezultatet e fundit i kanë dhënë të drejtë Demit, pasi dje Partizani ka plotësuar derbin e dhjetë pa humbje. Gjithsesi, presidenti i të kuqve ka pohuar pas ndeshjes për “Top Channel” se barazimi i fundit as nuk e ka gëzuar, por as hidhëruar.
Ashtu si homologu i tij bardheblu, edhe presidenti i Partizanit ka vlerësuar “fair play”in në derbi. “Mund të them se ishte një derbi serioz.
Ndeshja ishte e bukur, ‘fair play’ dhe kjo ka rëndësi për një takim të tillë. Rezultati, për sa i përket pjesës së dytë, Partizanit i takonte të fitonte. Mund të them se barazimi as na kënaqi dhe as na hidhëroi”, u shpreh Demi.
