Trajneri i Milanit, Genaro Gatuzo ka dhënë dorëheqjen nga pankina dy vite përpara se ti përfundonte kontrata.
Pasi drejtoi Milanin për 18 muaj, nën dy pronësi të ndryshme, Gatuzo vendosi të tërhiqej pasi vizioni i tij për drejtimin e mëtejshëm të kuq e zinjve nuk përputhet me atë të drejtuesve të përfaqësuar nga Gazidis.
Tekniku, i cili u zhvillua si një lojtar i madh gjatë 13 viteve karrierë me Milanin, la kështu në gjysmë kontratën e tij duke hequr dorë nga 4 milion euro që do të përfitonte gjatë dy viteve.
“Të vendosësh të lësh pankinën e Milanit nuk është e lehtë. Por ishte një vendim që duhej marrë…Po heq dorë nga dy vjet kontratë? Po sepse historia ime me Milanin nuk do të jetë kurrë çështje parash”, tha Gatuzo.
Largimi i Gatuzos në fakt ishte i pritshëm dhe emrat për zëvendësimin e tij kanë kohë që qarkullojnë në mediat italiane. Në krye të listës duket se është trajneri Di Francesco, por fakti që Milani nuk arriti të kualifikohej dot në Champions League e vështirëson tashmë pozitën e tij në negociata. /Opinion.al
