Kryeministri Edi Rama mëngjesin e sotëm ka publikuar shifrat e aplikimeve në nismën e ndërmarrë nga qeveria “Gati për Shqipërinë”.
Përmes një postimi në rrjetet sociale ai bën me dije se në një kohë të shkurtër kanë aplikuar 349 persona.
Sipas kryeministrit në këto aplikime janë shprehur të gatshëm të marrin pjesë kontributorë nga jashtë vendit, në mbështetje të reformave e të programeve të Mandatit të Tretë sipas fushave, po ashtu ka patur të tjerë të cilët janë shprehur të gatshëm të kthehen nga jashtë, për t’u angazhuar krah qeverisë. Më tej Rama sqaron se hapi i radhës është se do të njoftohen duke nisur nga nesër të interesuarit për komunikimin online me grupin e punës.
“349 SHPREHJE INTERESI deri mbrëmë janë një shifër e papritur në një kohë relativisht kaq të shkurtër. Ato ndahen në tre kategori kryesore:
- Kontributorë të gatshëm nga jashtë vendit, në mbështetje të reformave e të programeve të Mandatit të Tretë sipas fushave
- Kontributorë të gatshëm të kthehen nga jashtë, për t’u angazhuar krah qeverisë në Mandatin e Tretë
- Kontributorë të gatshëm brenda vendit, që duan të na bashkohen në përpjekjet e Mandatit të Tretë
e një FALEMINDERIT të madh, i lajmërojmë të gjithë të interesuarit se duke nisur nga nesër, do të marrin njoftimin për ditën dhe orën e komunikimit të drejtpërdrejtë në distancë – online zoom – me Kryeministrin e me grupin e punës për këtë nisëm.
Ndërkohë ftesa mbetet e hapur në vazhdim për këdo tjetër përmes adresës gatipershqiperine@kryeministria.al Me konsideratat më të larta, Zyra e Koordinimit të nismës “Gati për Shqipërinë””, shkruan Kryeministri./Opinion.al
