Ditën e enjte starton një prej kompeticioneve më të rëndësishme të futbollit. Bëhet fjalë për Botërorin 2018, i cili këtë vit zhvillohet në Rusi. Më 14 qershor, do të jetë edhe hapja e kësaj gare, ku si gjithmon nis me himnin krijuar enkas për të. Edhe pse Shqipëria nuk do të jetë pjesëmarrëse në futboll, do të përfaqësohet nga Era Istrefi e cila do të këndojë himnin së bashku me Will Smith.
Siç e do zakoni, ndeshja e parë luhet nga skuadra e vendit mikëpritës, që në këtë rast është Rusia. Në orën 17:00, do të zhvillohet ndeshja mes Rusisë dhe Arabisë Saudite.
Të premten më 15 qershor zhvillohet një ndeshje mjaft e fortë. Bëhet fjalë për Spanjën dhe Portugalinë, dy skuadra këto të cilat do të përballen në orën 20:00. Në orën 17:00 do të luajë Maroku me Iranin.
Edhe e shtuna ka rezervuar sfida të forta. Në orën 12:00 të mesditës, do të luajë Franca kundër Australisë, e ndërsa në orën 15:00 Argjentinë – Islandë.
Në orën 18:00 Peru – Danimarkë, dhe në orën 21:00, Kroaci – Nigeri.
Java mbyllet me ndeshje të forta. Në orën 14:00 Costa Rica – Serbia, për ti lënë vendin Gjermanisë në orën 17:00, e cila luan kundër Meksikës.
Brazil – Zvicër, është gjithashtu një ndeshje e fortë e cila fillon në orën 20:00, për ta mbyllur javën e parë të këtij Botërori me emocione të mëdha./Opinion.al
