Zëdhënësja e PD Floriana Garo tha në emisionin “Opinion” se protesta e opozitës gjatë ditës së martë do të mbahet në bulevard. Duke patur parasysh faktin që një pjesë e mirë e bulevardit është konsideruar zonë e kuqe për shkak të samitit BE-Ballkani Perëndimor, Garo nuk saktësoi zonën ku opozita do të vendoset.
Megjithatë anëtari i Këshillit Kombëtar, Arben Ristani saktësoi se kreu i PD Berisha disa herë ka deklaruar që parametrat e sigurisë nuk do të cënohen.
Pjesë nga diskutimi në studio:
Garo: Ne e kemi thënë që do mblidhemi në bulevard. Ne po nisemi për një protestë paqësore.
Fevziu: Ku do i mblidhni njerëzit?
Garo: Në bulevard.
Fevziu: Do tentoni ta kaloni zonën e sigurisë?
Garo: Nuk mund të flas për skenarin, është mister. Ne do mblidhemi në bulevard dhe do t’i tregojmë Europës që kemi arsye për të protestuar. Do nisemi për një protestë paqësore.
Ristani: Ka deklarata të vazhdueshme nga kreu i PD që nuk do të cënohen parametrat e sigurisë./Opinion.al
