Sekretari i Përgjithshëm i PD, Flamur Noka ka folur në emisionin “Opinion” edhe për lënien jashtë listës së kandidatëve për deputetë të zëdhënëses së PD, Florjana Garo.
Noka shprehu vlerësim për kontributi e Garos në PD, e cila nuk mori një rezultat të mirë në primarët e qarkut të Durrësit. Pikërisht ky rezultat në primare, sipas Nokës, ka bërë që Garo të vendos për të mos u përfshirë në listat e kandidatëve për deputetë.
“Zëdhënësja e PD është një nga figurat kryesore të kësaj partie. Unë personalisht kam vlerësim të jashtëzakonshëm për shkak se cilësitë e saj politike dhe njerëzore janë për t’u admiruar. Por duke qenë se znj.Garo në qarkun Durrës nuk arriti atë që pretendonte në primare, vendosi të mos përfshihej në këtë proces. Është zgjedhja e saj”,-tha Noka.
