Mungojnë edhe pak ditë nga derbi i vitit, ai që do të përcaktojë fituesin e Champions League mes Real dhe Atletico Madrid në “San Siro”, por ka nga ata që kanë dashur të nxehin gjakrat. Si Gareth Bale, i cili ka provokuar rivalët, duke i ulur vlerat Greizmann-it me shokë: “Sipas mendimit tim asnjë nga ata nuk do të ishte titullar te Real-i. Nëse do ta humbnim këtë finale, do të ishte një dramë e vërtetë. Në kampionat kemi dështuar dhe tani ka ardhur momenti i revanshit”.
“Do të ketë momente, gjatë ndeshjes, ku do të jemi të detyruar të mbrohemi dhe e dimë mirë këtë, – ka vazhduar Bale, – edhe pse në aspektin mbrojtës jemi përmirësuar në javët e fundit. Sulmojmë dhe mbrohemi të gjithë bashkë. Zidane? Natyrisht ky është një vendim që i takon klubit dhe jo mua. Unë ndihem mriz me të sepse ai më lejon të lëviz në zona të ndryshme të fushës”.
