Zv.kryeministri Erjon Braçe ka reaguar lidhur me dy shqiptarët nga Kosova që janë ndaluar nga policia ndërsa bënin gara me shpejtësi më shumë se 220 km/h në aksin rrugor Fier-Vlorë.
Përmes një postimi në FB Braçe i quan idiotë të dy personat, ndërsa shprehet se Shqipëria ka probleme me ligjin për raste të tilla.
“Nuk habitem qe, idiotet me Lamborgini e BMW nuk i kishin makinat e tyre! pra, i kishin marre borxh ne Zvicër! Me habit qe per “flutirimin” ketu, do gjobiten ne Zvicër nga 1000-1500 euro, nderkohe qe ketu ku shkelen cdo ligj paguan 2-3 here me pak! Pra, kemi nje problem te madh me ligjin per idiotet qe i kthejne makinat ne tank vrases ne rruge! Jemi shume larg Evropes!Ne fakt ne ende s’e quajme VRASJE aksidentin e nje individi qe e nget makinen me 228 kilometer ne ore! Nga ketu duhet ta nisim dhe keta jane pakica qe meritojne te kyçen brenda!” shkruan Braçe.
Të dy personat e përfshirë në garën me shpejtësi, njëri prej të cilëve banues në Zvicër, u gjobitën përkatësisht me 168.000 dhe 120.000 lekë./Opinion.al
