Në datat 21 dhe 22 gusht Federata Shqiptare e Çiklizmit, në bashkëpunim me Ministrinë e Arsimit dhe Sportit, Komitetin Olimpik Kombëtar Shqiptar dhe bashkitë e qarkut Korçë, do të zhvillojnë në territorin e qarkut, aktivitetin çiklistik “Kupa e Shqipërisë Korçë 2023”.
Për mbarëvajtjen e këtij aktiviteti, janë marrë masa, me qëllim rritjen e parametrave të sigurisë rrugore, sigurimin e qarkullimit të lirë dhe pa rreziqe për garuesit, si dhe parandalimin e aksidenteve.
Etapa e parë starton ditën e hënë më datë 21.08.2023, ora 16:00. Itinerari: do të jëtë fshati Piskupat, Pogradec-Unazë e Madhe, Pogradec-Bilisht-Korçë;
Etapa e dytë starton ditën e martë, më datë 22.08.2023, ora 10:00. Itinerari do të jetë qyteti i Korçës-Maliq-Drithas-Plasë-Korçë.
Si rrjedhojë policia njofton për ndalimin e qarkullimit të mjeteve, në akset rrugore të lartpërmendura, nga momenti i fillimit të këtij aktiviteti deri në përfundim të tij.
