Bota

Gara për vaksinën/SHBA, marrëveshje për 100 milionë doza me “Moderna”


Bëhu pjesë e Grupit Zyrtar të Opinion.al
>> KËTU <<
               Publikuar në : 10:17 - 12/08/20 |
Opi Nion

Gara për vaksinën po bëhet gjithmonë e më prezente, veçanërisht pasi Rusia njoftoi edhe regjistrimin e “Sputnik”, të parës vaksinë anti Covid, pavarësisht dilemave të shkencëtarëve mbi sigurinë e saj.

Ndërkohë Shtetet e Bashkuara të Amerikës, kanë arritur një marrëveshje me kompaninë Moderna, për furnizimin me 100 milionë doza të vaksinës eksperimentale kundër koronavirusit.

Kjo marrëveshje me vlerë 1.5 miliardë dollarë është njoftuar nga Shtëpia e Bardhë, duke e bërë Modernën kompaninë e radhës me të cilën administrata amerikane ka lidhur kontratë për doza të mëdha vaksinash kur ajo të jetë gati.

Moderna duhet t’i prodhojë dozat e vaksinës ndërsa provat klinike janë në proces e sipër.

“Këto doza vaksine do të jenë pronë e qeverisë federale. Ne po i blejmë ato”, tha Presidenti Trump në një konferencë për shtyp të martën.

Moderna, në bashkëpunim me Institutet Kombëtare për Shëndetësi në SHBA, ndodhen në fazën e tretë të testimeve klinike dhe janë duke prodhuar disa doza, që në rast rezultati të suksesshëm, shpërndarja të bëhet më e lehtë.

Presidenti amerikan ka thënë se është optimist  për të patur një vaksinë për koronavirusin deri në zgjedhjet presidenciale në fillim të nëntorit.

Aktualisht, në të gjithë botën janë duke u zhvilluar më shumë se 150 vaksina dhe medikamente kundër koronavirusit, 25 prej të cilave janë testuar edhe tek njerëzit./Opinion.al

 

 

Pas