Emisioni ‘Opinion’ këtë javë ka trajtuar disa nga temat që kanë interes të madh tek audienca sa i përket aktualiteti dhe ngjarjeve në vend.
Tre ministra të qeverisë Rama ishin pjesë e emisionit ‘Opinion’ gjatë kësaj jave, përball gazetarëve, analistëve dhe vet drejtuesit të emisionit Blendi Fevziu.
Nisur nga kjo, më poshtë ju sjellim se si u paraqit audienca për këtë javë dhe kush ishte emisioni më i ndjekur ‘Opinion’.
Ditën e hënë u fol për ndërtimin e HECE-ve në Kanionet e Osumit, të cila me pas me vendim të qeverisë u anuluan. I ftuar në emisioni ‘Opinion’ ishte ministri Blendi Klosi dhe një panel me përfaqësues nga opozita dhe ekspertë të fushës. Audienca mesatare e emisionit ‘Opinion’ të hënë (12 shkurt 2018) ishte 40.8% dhe maksimalja ka arritur në 46.9%, duke shënuar kështu emisioni ‘Opinion’ më të ndjekur të kësaj jave.
Ditën e martë në emision u trajtua një temë jashtë aktualiteti, por që është më aktuale se kur në jetën tonë të përditshme. “Lufta me moshën”. Audienca mesatare e asaj mbrëmje në ‘Opinion’ ishte 26.1% dhe audienca maksimale 31.1%.
Ditën e mërkurë (14 shkurt 2018) në “Opinion” ishte e ftuar ministrja e Kulturës Mirela Kumbaro dhe përball saj një panel me aktorë dhe artistë, u fol për shembjen e Teatrit Kombëtar, ngjarje që ka shkaktuar revoltë tek artistët. Audienca mesatare e ‘Opinion’ ishte 34.1% dhe maksimalja arriti në 46.3%.
Ditën e enjte në emisionin ‘Opinion’ ishte i ftuar ministri i Brendshëm Fatmir Xhafaj. Në një intervistë për rreth dy orë, përball gazetarit Blendi Fevziu, Xhafaj foli për sigurinë, bandat dhe arrestime që priten të ndodhin ne vend. Audienca mesatare ishte 23.7% dhe ajo maksimale 35.9%, duke shënuar kështu emisionin më pak të ndjekur të kësaj jave.
Kështu si përfundim mund të themi se; garën e ministrave për audiencë në emisionin ‘Opinion’ e fitoi ministri i Turizmit Blendi Klosi, pas tij u rendit Mirela Kumbaro dhe në fund renditet ministri Fatmir Xhafaj./G.Z-Opinion.al©
