Adhuruesit e “Game of Thrones” (Fronit të Shpatave) janë duke pritur datën 14 prill. Por presidenti i “HBO”-së, Casey Bloys ka shuar kureshtjen për ndjekësit e serialit, ndërsa thotë se seritë përfundimtare do të jenë mbreslënëse.
“Ato që pashë më krijojnë bindjen e plotë se, fansat e serialit do të mbeten mjaft të kënaqur me këtë sezon. Mënyra sesi seritë mbyllen është dramatike dhe emocionuese. Besoj se do të përmbushë pritshmëritë e të gjithëve”, tha Casey Bloys.
Por, Bloys sigurisht që nuk dha detaje, duke vazhduar ta ruajë misterin deri në fund. Komploti i serive të fundit po mbahet i fshehtë me shumë fanatizëm, megjithatë fansat kanë arritur të krijojnë disa ide nga fotot e reja të bëra publike, në bazë të të cilave arritën të identifikojne 13 personazhet që do të kenë vijimësi dhe fatin që mund t’i presë ata.
