Deputeti i PS, Toni Gogu, në një postim në rrjetin social “ Facebook” është shprehur se Hajredin Pasha është hero i dibranëve.
Teksa ka postuar këngën e famshme mbi betejen e Gjoricës të popullit të Dibrës dhe Matit kundër forcave pushtuese osmane, Gogu shkruan se 170 vite janë kënduar këngë dedikuar Hajredin Pashës, heroit të të gjithë dibranëve. Në fakt, Hajredin Pasha ka luftuar për llogari të Sulltanit, kunder shqiptarëve.
“170 vite këngë e lavdi, dedikuar Hajredin Pashës, heroit të të gjithë dibranëve. Një prej dedikimeve që ndër breza është trashëguar dhe vijon e ngjallë njësoj emocione”,-shkruan Gogu.
Ky postim i deputetit socialist ka ngjallur jo pak reagime dhe komente nga qytetarët, duke bërë që Gogu të ndryshonte statusin.
Statusi i ndryshuar: 170 vite këngë e lavdi, dedikuar heronjve dibranë. Një prej dedikimeve që ndër breza është trashëguar e vijon të ngjallë njësoj emocioni.
