Doni të mbroheni ndaj sëmundjeve seksualisht të transmetueshme apo ndaj shtatzënive të padëshiruara? Epo, një prezervativ është përgjigjja më e mirë për këtë. Por pavarësisht kësaj, shumë meshkuj nuk po e përdorin një mënyrë të tillë mbrojtjeje.
Një studim i kryer nga “National Survey of Sexual Health and Behavior” në SHBA ka treguar se më pak se gjysma e meshkujve të moshës 18 deri në 24 vjeç përdorin kondom gjatë marrëdhënieve seksuale me partneret e tyre. Dhe mbrojtja sa vjen e zvogëlohet me rritjen e moshës.
Rreth 30% e meshkujve nga mosha 25 deri në 34 vjeç përdorin kontraceptiv gjatë seksit.
Një vëzhgim te 2,000 persona nga Europa dhe SHBA ka treguar se 65% e meshkujve kryejnë marrëdhënie intime të pambrojtura dhe 30% e tyre nuk kanë përdorur kurrë kondom gjatë seksit.
Nëse jeni në një marrëdhënie aktualisht, bëni mirë të përdorni kondom, sepse studimet kanë treguar se probabiliteti për t’u prekur nga një SST gjatë seksit është rritur ndjeshëm krahasuar me vite më parë.
Pra, bëni mirë të kurseni pak për prezervativë djema! /Blitz
