Sulmuesi Brazilian Gabriel Barbosa ka deklaruar se shumë shpejt do të rikthehet tek skuadra e Interit.
Aktualisht Gabigol luan për skuadrën e Santos në kampionatin Brazilian ku ka treguar një paraqitje të mirë duke shënuar tre gola në tre ndeshjet e para.
“Kam mësuar shumë në Evropë, edhe pa luajtur futboll, si stili i jetesës, një gjuhë tjetër, por edhe kultura të ndryshme, duke qenë se kam bërë shumë miq nga shtete të ndryshme. Jam 21 vjeç dhe do të bëj shumë para-mbrapa, por shumë shpejt do të rikthehem te Interi, pasi kam një kontratë me zikaltrit”, u shpreh ish-lojtari i Interit.
Gabigol u largua verën e kaluar nga skuadra e Interit për tu huazuar si fillim tek Benfica ku më pas kaloi tek Santosi, skuadrën me të cilën luan aktualisht.
Ndërkohë braziliani vazhdon ende të ketë një kontratë me skuadrën zikaltër./Opinion.al
