Një politikane në Stamboll doli përpara gjykatës të premten me akuzën se ofendoi presidentin e Turqisë, Recep Tayyip Erdogan, dhe shtetin turk përmes disa postime online.
Kaftancioglu do të gjykohet për disa postime në Twitter, që thuhet se datojnë deri në gjashtë vjet më parë.
Canan Kaftancioglu udhëheq degën në Stamboll të Partisë Republikane Popullore. Kjo parti opozitare fitoi zgjedhjet për kryetar të Stambollit fundjavën e kaluar, përballë kandidatit të partisë së Erdoganit.
Për shkak të akuzave që rëndojnë mbi të Kaftancioglu mund të përballet me 17 vjet burg. Qindra vetë u mblodhën para gjykatës të premten për të mbështetur Kaftancioglun. Gykimi i saj u shty deri më 18 Korrik.
Kryebashkiaku i ri i Stambollit, Ekrem Imamoglu, tha se akuzat kundër Kaftancioglut përbëjnë “ndërhyrje politike”.
“Është përpjekje për të kufizuar të drejtat dhe liritë. Unë gjithmonë do të qëndroj pranë saj”, -tha ai./Opinion.al/
