Qindra protestues u arrestuan në Hong Kong, gjatë një demonstrate kundër një ligji të planifikuar, që thotë se fyerja e himnit kombëtar të Kinës, përben krim. Arrestimet thuhet se tejkaluan 200 persona.
Policia është parë duke mbajtur banderola që urdhërojnë protestuesit të shpërndahen, duke spërkatur me spraj djegës dhe duke arrestuar disa prej demonstruesve. Protestuesit janë shprehur kundër projektligjit, që nëse kalohet në ligj, fyerja e himnit kinez bëhët e dënueshme me gjobë deri në 6.450 dollarë amerikanë dhe tre vjet burg.
Demonstrata vjen ndërsa mijëra dolën në rrugë të dielën për të protestuar ndaj legjislacionit të planifikuar të sigurisë kombëtare të Pekinit.
Pse është ky projektligj kaq i diskutueshëm?
Protestat antiqeveritare prej disa kohësh kanë për qëllim kryesisht t’i rezistojnë integrimit dhe bashkimit të mëtejshëm me Kinën kontinentale. Himni i kombëtares kineze është përfshirë në disa ngjarje, përfshirë edhe ndeshjet e futbollit.
Protestuesit dhe politikanët pro-demokracisë thonë se projektligji paraqet shenjën e fundit të asaj që ata shohin si ndërhyrje të përshpejtuar nga Pekini në ish-koloninë Britanike. Britania i dorëzoi Hong Kong-un Kinës në 1997, me garanci se liritë thelbësore të banorëve dhe mënyra e jetës do të mbroheshin nën një strukturë ‘një vend, dy sisteme’, strukturë që Pekini thotë se e respekton. Liritë e fjalës, shtypit, shoqatës dhe asamblesë janë shkruar qartë në Ligjin Themelor, që udhëzon marrëdhëniet e Hong Kongut me qeverinë qendrore në Pekin – liritë për të cilat kundërshtarët e projektligjit tani thonë se janë nën kërcënim. Më teknikisht, disa avokatë kanë frikë se projektligji pasqyron aspiratat ideologjike të Partisë Komuniste të Kinës.
Kjo mund ta vështirësojë zbatimin tek qytetarët që kërkojnë shkëputjen osë mosbashkimin e plotë më Kinën. ‘Është ligji i parë në Hong Kong që kam parë, që duket sikur është shkruar në Pekin,’- tha një gjykatësi i lartë. Shoqata e Avokatëve të Hong Kong-ut ka pranuar nevojën për ligje të tilla, por ka thënë se pjesë të projekt-ligjit ‘devijojnë nga traditat e mira’ të sistemit të ligjit të përbashkët të Hong Kongut.
Shoqata thotë që ekzistonte një ndryshim thelbësor midis sistemit në Hong Kong dhe sistemit juridik socialist të Kinës kontinentale, që përfshin ideologjinë politike dhe udhëheqjen konceptuale.
