“Përfshirja në skemën e TVSH-së së biznesit të vogël nuk ka sjellë rezultat në rritjen e të ardhurave në buxhet”, ky është konkluzioni i raportit Fondit Monetar Ndërkombëtar.
FMN, teksa thekson se reformat e ndërmarra gjatë dy viteve në administratën tatimore kanë ecur përpara, e konsideron kthim në kohë vonesat për rimbursimin e TVSH-së për bizneset.
Sipas FMN, përfshirja e 13 mijë bizneseve të vogla në zinxhirin e tatimit mbi vlerën e shtuar, ka dhënë impakt të ulët në rritjen e të ardhurave tatimore.
Analiza e FMN ndaj të sistemit të administrimit tatimor në Shqipëri, u bë në kuadër të një projekti që kishte me Drejtorinë e Përgjithshme të Tatimeve për dhënien e asistencës teknike në këtë fushë.
Ky raport thekson se kostot e kontrollit të bizneseve është më e lartë se të ardhurat që janë arkëtuar në buxhet.
Po ashtu, për FMN pasoja negative ka sjellë dhe rimbursimi i tatimit mbi vlerën e shtuar, i cili në tetor të 2018-s arriti në 144 milion dollarë, nga ku rezulton se shumica e kompanive që nuk kanë marrë në kohë TVSH-në, janë eksportuese.
Në shtator të 2018-ës, borxhi që bizneset i kanë administratës tatimore arriti në 1 miliard dollarë, ku shumica zotërohet nga firma të mbyllura.
Ndërkohë ky raport, vlerëson përfshirjen e sistemeve informatike duke u bërë më e aksesueshme për bizneset dhe duke eliminuar korrupsionin.
“Zgjerimi i regjistrit të TVSH-së do të ketë një ndikim të vazhdueshëm negativ në kostot e punës së administratës tatimore, pa patur një efekt të konsiderueshëm në mbledhjen e të ardhurave.
Si në rastin që autoritetet tatimore kërkojnë pagesën në kohë të taksave, edhe rikthimi i taksës nga shteti për biznesin duhet të jetë në kohë”.
Fondi nuk bie dakord as me politikat fiskale përjashtuese nga sistemi tatimor, siç është përjashtimi nga TVSH për sektorin e turizmit apo ulja e tatimit mbi fitimin për disa kategori biznesesh.
Disa nga këto ndryshime mund të komplikojnë regjimin tatimor dhe të hapin mundësinë për shmangien e taksave”./Opinion.al. E.Xh.
