Futbollisti 28-vjeçar i Konyasporit, Ahmet Calik ka ndërruar jetë pas një aksidenti të rëndë mëngjesin e sotëm.
Ende nuk dihet shkaku i aksidentit, por autoritet turke dyshojnë se lojtari ishte duke udhëtuar me shpejtësi tej normave të lejuara.
Mësohet se 28-vjeçari ishte vetëm në makinën e tij në momentin e aksidentit dhe ishte nisur për të pushuar dy ditë pranë familjes së tij.
Nga përplasja e madhe mjeti i lojtari është përmbysur dhe rrotulluar disa herë ndërsa futbollisti ka humbur jetën në vendin e ngjarjes.
Ahmet Calik në verën e 2021 u transferua tek skuadra e Konyasporit dhe ishte shok skuadre me dy lojtarët e Kombëtares shqiptare, Sokol Cikalleshi dhe Endri Çekiçi.
Të dy lojtarët shqiptarë kanë reaguar lidhur me vdekjen tragjike të shokut të tyre dhe kanë shprehur dhimbjen për largimin e tij të hershëm nga kjo botë.
“Çfarë mund të shkruaj për ty shoku im! Zoti të mori shumë herët! Pusho në paqe vëllai im! Do të jesh gjithmonë në zemrën time”,-shkruan Cikalleshi.
“Allahu të mëshiroftë dhe të bekoftë me një vend në parajsë vëllai im. Çfarë djaloshi i mrekullueshëm ishe, do të na mungosh dhe nuk do të harrohesh Ahmet Calik”,-ka shkruar Çekiçi.
View this post on Instagram
