Një futbollist 23-vjeçar ka mbetur i vrarë me thikë në pistën e vallëzimit të një klubi nate në Birmingham, në Britaninë e Madhe.
Cody Fisher, u plagos për vdekje në klubin e natës The Crane, pak para orës 23:45 GMT më 26 dhjetor.
Pavarësisht përpjekjeve të mjekëve për ta shpëtuar, ai ndërroi jetë rreth 30 minuta pas sulmit, tha Policia e West Midlands.
Familja e tij reagoi pas ngjarjes dhe tha: “Autorët na kanë thyer zemrat; Kemi humbur mikun tonë më të mirë”.
Ndërkohë sipas The Guardian, dy persona janë arrestuar si të dyshuar për vrasjen.
Detektivët që po hetojnë vrasjen arrestuan një 22-vjeçar në qendër të qytetit të Birmingham dhe një 21-vjeçar në Londër të mërkurën.
Ata u morën në paraburgim për t’u marrë në pyetje pasi akuzohen për vrasje, tha policia e Ëest Midlands.
“Ne po bëjmë përparim në hetimin tonë dhe po ndërtojmë dinamikën e ngjarjes.”-thanë autoritetet britanike.
