Analisti Preç Zogaj ka folur për fushatën e zhvilluar në zgjedhjet e vitit 1991. Zogaj tha në emisionin “Opinion” se për fushatën elektorale, ai si kandidat për deputet kishte në dispozicion një karrocë me kalë dhe gjatë takimeve shoqërohej me rreth 50 biçikleta.
Zogaj thotë se gjatë takimeve shpesh ai shoqërohej dhe nga 100 persona të cilët udhëtonin në këmbë pasi ishin entuziastë që do të votonin për herë të parë në një sistem pluralist.
“Unë nuk e harroj sa të jem gjallë. Unë si kandidat kisha si mjet kaloshin dhe kisha nja 4 vetë shtabi që i mbante karroca, kurse pas karrocës në spostimet nga një fushatë në tjetrin , kisha zakonisht 50 veta me biçikleta, dukej si tur çiklistik, por ishte dhe maratonë se mund kishte 100 banorë që vraponin ta zëmë nga Baldreni në Torovicë në këmbë, ose nga Lezha në Rilë, në këmbë në biçikletë. Kishte një entuziazëm të jashtëzakonshëm, kishte dhe kuriozitet,”-tha Zogaj./Opinion.al
