Aktualitet

Fushata kundër kancerit të gjirit, Manastirliu: Mamografi falas në çdo spital


Bëhu pjesë e Grupit Zyrtar të Opinion.al
>> KËTU <<
               Publikuar në : 09:56 - 01/10/21 |
Opi Nion

Ministrja e Shëndetësisë Ogerta Manastirliu, ka çelur ditën e sotme  fushatën kundër kancerit të gjirit, në muajin dedikuar luftës ndaj kësaj sëmundje.

Manastirliu u bën apel të gjithë grave dhe vajzave të mos neglizhojnë shëndetin e tyre dhe të kryejnë në kohë ekzaminimet ndaj kancerit të gjirit.

“Ne gratë duke u kujdesur për familje, duke përmbushur detyrimet në punë, edhe me angazhimet e tjera familjare e shoqërore shpesh herë harrojmë një gjë shumë të rëndësishme; kujdesin për shëndetin tonë. Është detyra jonë të kujdesemi për fëmijët, për familjen, për prindërit dhe të afërmit. Ashtu sikurse është përgjegjësia jonë që në rdhë të parë të mos neglizhojmë kujdesin për veten. Pandemia ka pasur efektet e saj në jetët tona. Për fat të keq duke krijuar vonesa në kontrollet rutinë për shëndetin, sidomos tek gratë. Ndaj në këtë tetor rozë do t’i lutesha çdo gruaje të marrë vetëm 30 minuta nga koha e saj, të bëjë vetëkontrollin e gjirit dhe të kryejë mamografinë”, thekson Manastirliu në mesazhin e  saj.

Gjithashtu gjatë fjalës së saj Manastirliu ka informuar se tashmë mamografia është falas në çdo qenër spitalore rajonale.

“Programi ynë i diagnostikimit të hershëm të kancerit të gjirit ka siguruar mamografitë në çdo spital rajonal nga veriu në jug dhe ky shërbim është falas. Vetëm duke patur shëndet të mirë, duke u kujdesur për veten ne gratë mund të shpalosim potencialin tonë të plotë, në përmbushje të misionit tonë për mirërritjen e fëmijëve, për kujdesin ndaj familjes dhe për zhvillimin e shoqërisë. Unë besoj te forca e shembullit”, tha Manastirliu.

Ndërkohë që krahë Ministres kanë qenë dhe tre gra që po fitojnë betejën me sëmundjen e rëndë, teksa u janë drejtuar me këto fjalë grave dhe vajzave:

E lashë pas dore. Ka qenë dashuria dhe vëmendja e familjarëve dhe e miqve të mi më të ngushtë. Ka qenë lufta frontale e ekipit të specializuar të mjekëve të spitalit onkologjik në Tiranë, të cilët morën masa të menjëhershme, jo vetëm për të më diagnostikuar, por edhe për ta luftuar kancerin e gjirit, që ishte shfaqur në trupin tim. Mos nguroni. Diagnostikohuni për kancerin e gjirit jo vetëm në muajin tetor”, thotë në mesazhin e saj gazetarja Rezarta Reçi.

“Ishte beteja më e vështirë e jetës time. Eksperiencë e cila më kërkoi forcë dhe kurajo për ta përballuar. E gjeta forcën dhe kurajon përmes suportit të familjes time dhe përkushtimit të mjekëve”, shprehet Mimoza Dosti.

Sot i them çdo gruaje, mos neglizho! Lufto për jetën! Ajo është e shtrenjtë”, thotë Mimoza Groballi.

Pas