Paraja është ajo që sot krijon fushata elektorale të suksesshme, dhe më të lehtë këtë gjë e kanë miliarderët të cilët vendosen t’i futen politkës. Miliarderi rus dhe aksioneri i klubit të futbollit të Arsenalit Alisher Usmanov ka gjetur zgjidhjen perfekte për të bërë fushatën më interesante. Ai ka ofruar iPhone falas për ata që krijojnë memet më qesharake për rivalin e tij, Alexei Navalny. Usmanov, pasuria e të cilit vlerësohet me 14 miliard dollarë, është përfshirë në një grindje në media sociale me aktivistin kryesor të opozitës të Rusisë, Alexei Navalny.
Të dy kanë qenë në mosmarrëveshje pasi Fondacioni Anti-Korrupsion i Navalny bëri një video duke lënë të kuptohet se Usmanov i dha një copë toke kryeministrit rus Dmitri Medvedev. Në maj, Usmanov fitoi ndaj Navalny lidhur me akuzat e bëra në atë video.
