Katër anëtarë shqiptar të një rrjeti që shpërndanin lëndë narkotike në lokalet e natës në Santorini, janë arrestuar nga policia greke.
Policia greke thotë se shqiptarët së bashku me një ukrainase, bënin furnizimin, magazinimin, përpunimin dhe trafikimin e lëndëve narkotike.
Sipas mediave greke, operacioni u shtri në disa zona të ishullit, ku u arrestuan katër shqiptarët Sulo Tahaj, 26-vjeç dhe vëllai tij Genci Tahaj, 30 vjeç nga Fieri, Fatmir Caushaj 36-vjeç nga Tirana, Renson Marra, 24-vjeç nga Kuçova dhe shtetasja ukrainase Anastasiya Ivanichenko, 30-vjeç.
Ndaj anëtarëve të arrestuar u ngritën akuza për formim dhe anëtarësim në organizatë kriminale, shkelje të legjislacionit për substancat e varësisë dhe sipas rastit , shkelje të legjislacionit për armët dhe dhunën ndaj punonjësve.
26-vjeçari ishte drejtuesi i organizatës, përgjegjës për drejtimin e plotë të anëtarëve të tjerë, në lidhje me transportin e drogës nga Athina në Santorini, standardizimin dhe ruajtjen e sasive në vende të fshehta në ishull për përfundimin e tyre.
Ndërsa 30-vjeçari Genci Tahaj ishte zëdhënësi, duke marrë pjesë aktive në menaxhimin dhe organizimin e grupit me fokus menaxhimin e të ardhurave të tij dhe përfitimet e pritshme.
Në kontrollet e kryera në një magazinë dhe në tre shtëpi janë gjetur dhe konfiskuar:
336 gram kokainë,
2043 gram kanabis i papërpunuar,
295 tableta ECSTAZY,
pistoletë,
60 fishekë,
thikë,
shumat prej 24,890 euro, 9,050 pesos uruguaiane, 182 dollarë amerikanë, 100 dollarë australianë dhe 5 paund britanike,
3 peshore elektronike,
pajisje elektronike për evakuimin e ajrit dhe formulimin e drogës.
Siç theksohet nga Policia, disa pjesëtarë punonin në transportin e turistëve me automjete tip furgon dhe po përfitonin nga ky aktivitet për të kërkuar klientë.
Nga marrja në konsideratë e të gjitha të dhënave të hulumtimit, vlerësohet se fitimet e realizuara nga organizata i kalojnë 102,000 euro./Opinion.al
