Kryeministri Edi Rama ka dhënë një intervistë për median gjermane “ZDF mediathek”. Përpos pasioneve dhe situatës politike në Ballkan dhe Europë, Rama ka gjetur hapsirën e nevojshme të jap edhe një koment për kancelaren gjermane Angela Merkel, të cilën me pak fjalë e ka quajtur shpëtimtaren e Europës. Ai ktheu kohën pas, duke përmendur luftën e Kosovës dhe vështirësitë e Ballkanit, ndërsa gjen vend për të komplimentuar edhe kancelaren Merkel për atë cka bëri në Europë asokohe.
Si po e përjetoni krizën aktuale të Europës në Ballkan? Dhe sa janë shpresat që Shqipëria të bëhet së shpejti anëtare e BE-së?
Jetojmë në një situatë që është e njohur si “mallkimi i Ballkanit”. Kur ne ishim në një gjendje të keqe, Europa ishte në një gjendje të mirë. Tani jemi në gjendje të mirë, Europa nuk është. Duke pritur që të takohemi, ne vazhdojmë të luftojmë dhe të punojmë. Kemi bërë shumë progres. Tani kemi një afat për të hapur negociatat dhe duhet ta arrijmë. Pastaj do të vazhdojmë sërish punën.
Po në lidhje me Evropën?
Duhet të jem shumë i sinqertë, s’jam një diplomat i mirë. Pikë së pari mendoj se mund të bëhet më keq përpara se të bëhet më mirë dhe është diçka që ka të bëjë me faktin se kjo është gjenerata e parë në histori që nuk e njeh luftën. Duke mos e njohur luftën ata nuk e kuptojnë shumë mirë se çfarë do të thotë BE dhe më kujtohet Helmut Koln kur foli mbi bashkimin e monedhës.
(Përpara se të jetë diçka që ka të bëjë me financën është diçka që ka të bëjë me vëllanë që vdiq në luftë.
Helmut Koln, ish-kancelar i Gjermanisë)
Por për ne është më e thjeshtë. Ne mund të dukemi naivë, në Ballkan mund të dukemi shumë pro europianë por sërish jemi në luftë. Lufta për ne nuk ishte diçka në televizion por ishte diçka e vërtetë. Kishim më shumë se gjysmë-milioni refugjatë lufte nga Kosova, të cilët po i largoheshin luftës. Nga ana tjetër mendoj që në këtë periudhë ishte fati i Europës që kishte Angela Merkelin. Nëse ajo nuk do të ishte aty nuk e di kush do ta kishte shpëtuar fatin e Europës./Ema Shazivari/Opinion.al
