Ylli Dylgjeri, ish-gazetar dhe punonjës në Ministrinë e Zhvillimit Ekonomik, i emëruar nga LSI, si mik i Ilir Metës, e ka për zakont t’i komentojë shpesh zhvillimet politike në mënyrë të lirë dhe të pavarur në rrjetete sociale.
Sot ai shkruante për gjendjen e vendit.
Por padashje, ish-këshilltari i disa ministrave të Brendshëm gjatë qeverisjes socialiste përpara 2005-s, ka nxjerrë në pah një sherr baba-djalë brenda LSI.
Shkruan Dylgjeri:
Kush është sot vendi im?
Presidenti i vendit tim është në sherr me Kryetarin Bashkise së qytetit tim.
Kryeministri i vendit tim është në sherr me Kryetarin e Opozitës së vendit tim. Koalicioni Im është në sherr me Opozitën time. Ministri i Rendit në vendin tim është në konflikt me Prokurorin e vendit tim. Babai i drejtorit të kabinetit në një Ministri tjetër është në konflikt me të birin.
Ish kandidati për Rektor Universiteti eshte ne konflikt me Rektorin e zgjedhur. Ekipi i Futbollit tim është në sherr me Ekipin fqinj.
Ish profesori im, eshte ne konflikt me mua ish studentin. Në një çift me dy femije, me dy barqe, çuni im eshte sherr me gocën tënde.
Doni me sherre?
Ky është sot vendi Im.Trishtim
Fjala e shërrit baba-prind i referohet sipas të gjitha gjasave Pirro Kerrit, ish-deputet socialist, që më pas kaloi te LSI, pronar i karburantit në Kavja, ku dnodhi vdekja e dy fëmijëve, për shkak të heqjes së trafik-ndarësve.
Djali i tij është drejtor i kabinetit të ministrit të Transporteve Edmond Haxhinasto./Mapo
