Dymtro Kotenko kishte qenë në dislokimin e tij të parë ushtarak kur u vra në lufte në Ukrainë, në përpjekje për të mbrojtur vendin e tij. Ai ishte vetëm 21 vjeç dhe kur u varros nuk kishte asnjë familjar pranë.
BBC shkruan se me shumë mundësi, prindërit e Kotenkos nuk e dinin që djali i tyre po varrosej atë ditë në varrezat Lychakiv në Lviv.
Ata ishin 600 milje larg, me dy vëllezërit e tij më të vegjël, pranë qytetit lindor të Sumy, i cili po bombardohej rëndë nga forcat ruse saqë ishte shkëputur nga bota e jashtme.
Dymtro Kotenko ndërroi jetë më 26 shkurt, ditën e tretë të pushtimit rus, afër qytetit jugor të Khersonit./Opinion.al
