Familja mbretërore nuk ka kusyer asnjë shpenzim për funeralin e Mbretëreshës Elizabeth. Në nder të saj është organizuar një ceremoni luksoze, me përkujtime solemne, procesione ushtarake dhe ekrane gjigande për të transmetuar ceremoninë në prani të krerëve të shteteve, liderëve botërorë dhe krerëve të kurorëzuar. Është e vështirë të bëhet një vlerësim i saktë i kostove të një organizimi të tillë, por bëhet fjalë për disa milionë paund dhe do të jenë taksapaguesit britanikë ata që do të paguajnë.
Një ceremoni faraonike u organizua për t’i bërë homazhe asaj që sundoi në Mbretërinë e Bashkuar për 70 vjet. Shifrat e sakta nuk dihen, por është e sigurt se do të kalojnë rreth 4 milionët e shpenzuara për lamtumirën e fundit të princeshës Diana. Asnjë krahasim me kostot e bëra për ceremoninë e Princit Philip, e cila, për shkak të kufizimeve anticovid, ishte organizuar në një formë më modeste.
Për funeralin e Elizabeth II në Westminster Abbey marrin pjesë personalitete si: Joe Biden, Emmanuel Macron, Perandori i Japonisë Naruhito, Felipe dhe Letizia të Spanjës, Albert dhe Charlene të Monakos. Këto janë vetëm disa nga emrat e prrsonazheve të ftuar për funeralin e Mbretëreshës Elizabeth II.
Për të garantuar sigurinë e shumë personaliteteve, të cilave duhet t’i shtohen edhe anëtarët e familjes mbretërore, nevojitet një dislokim i konsiderueshëm i forcave. Llogaritet një shpenzim prej disa milionë paundësh, sigurisht më shumë se 6.3 milionë të ndara në vitin 2011 për dasmën e Princit William me Kate Middleton.
Përveç kostove të garantimit të shkëlqimit nga njëra anë dhe sigurisë nga ana tjetër, duhet të merren parasysh edhe të gjitha kostot indirekte. Gjatë funeralit u mbyllën shkollat, armacitë, si dhe disa zinxhirë të mëdhenj ushqimesh dhe veshjesh dhe dyqane të vogla tregtare.
Shpenzimet për funeralin e mbretëreshës Elizabeth do të rëndojnë në xhepat e taksapaguesve dhe do t’i shtohen kostos totale vjetore të familjes mbretërore e cila tashmë vitin e kaluar ishte afër 200 milionë paund./Opinion.al
