Bota

Fundjavë me muzikë dhe alkool, të rinjtë në Britani injorojnë COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 16:49 - 09/08/20 |
Opi Nion

Koronavirusi vijon të përhapet me ritme të shpejta në të gjithë botën duke shkaktuar viktima dhe dëme të mëdha ekonomike.

Por, pavarësisht situatës së krijuar të rinjtë dhe pushuesit në Britaninë e Madhe kanë mbushur  lokalet dhe restorantet gjatë fundjavës.

Autoritetet kanë paralajmëruar se kjo sjellje e papërgjegjshme, ku nuk respektohen thuajse fare rregullat e pandemisë, do të ndikojë në përhapjen edhe më të madhe të koronavirusit në vend.

Me temperaturat që kanë kaluar 35 gradë celsius në zonat bregdetare dhe jo vetëm, pas plazhit, të rinjtë janë dyndur nëpër lokale, pavarësisht kërcënimeve të autoriteteve për t’i mbyllur ato, për shkak se është vërejtur një rritje e numrit të rasteve mes moshave nën 30-vjeç.

Efektivët e policisë kanë tentuar të largojnë të rinjtë nga zonat e mbipopulluara, por pavarësisht paralajmërimeve, ata nuk kanë mbajtur maska dhe nuk kanë ruajnë distancimin fizik të rekomanduar.

Në Preston, një qytezë të vënë në izolim, mesazhi i autoritete lokale ishte “mos vrisni gjyshet”, për të ndërgjegjësuar të rinjtë që edhe pse pa simptoma, si mbartës të koronavirusit mund të infektojnë të afërmit kur të rikthehen në shtëpi./ Opinion.al

Pas