Luleshtrydhet janë në kohën e tyre më të mirë! Kanë pak kalori prandaj edhe nëse e teproni pak nuk keni pse ndiheni në faj! Nëse i përdorni në kek, nuk duhet të shtoni shumë sheqer.
Receta nga Linda Fishta, Fotografia Armand Habazaj
Koha e përgatitjes – 10 minuta
Përbërësit për tavë me diametër 24 cm:
● 500 g luleshtrydhe
● 250 g miell
● 2 vezë
● 6 lugë sheqer
● 10 g sodë për ëmbëlsira
● 125 g gjalpë i butë si krem në temperaturë ambienti
● 300 g kos i trashë
Përgatitja:
Ndezim furrën në 160°C.
Përziejmë gjalpin me sheqerin me rrahësen e vezëve me dorë, shtojmë vezët një nga një, kosin, miellin dhe sodden me sitë. Hedhim brumin në tavën e lyer më parë me gjalpë e miell, vëmë sipër luleshtrydhet e ndara në mes dhe e vëmë të piqet për 50/60 minuta. E mbulojmë me letër alumini kur të ketë marrë ngjyrë në sipërfaqe dhe e lëmë të piqet derisa kur të bëjmë provën me kruajtëse dhëmbësh, ajo të dalë e pastër./living
