E rëndë, ashtu si edhe e bujshme, ka qenë akuza e ngritur nga Lindsay Gascoigne për tabolidin “The Sun”. Motra e “Gazza” del kundër tabloidit britanik, duke thënë se pas alkoolizimit të vëllait të saj qëndron një persekutim i mirëfillit nga “The Sun”. “Ky tabloid blen shishe alkooli dhe i lë para shtëpisë së vëllait tim për ta fotografuar,” – deklaroi Lindsay.
Gjithçka nisi me një fotografi të publikuar këtë verë nga “The Sun”, ku Paul Gascoigne, shumë i dobësuar dhe në gjendje të keqe fizike u shfaq duke prirë cigare zbathuer jashtë një taksie, si për të treguar se kura riaftësuese në Arizona (SHBA) kishte dështuar. Sipas artikullit publikuar në krah të saj fotografie, ish-futbollisti anglez ishte kthye atë ditë dhe menjëherë kishte porositur një shishe xhin.
Tani ka ardhur edhe akuza nga Lindsay Gascoigne, në profilin e saj në “Facebook”. “Jo shumë njerëz t dinë, por gazetarët dhe fotoreporterët e “The Sun” jo vetëm që dëfrehen dhe qeshin për problemet e familjes time, por shkojnë deri aty sa po blejë shishe alkool dhe i lënë jashtë derës së shtëpisë së vëllait tim për ta fotografuar dhe për të bërë një shkrim që do të shesë tabloidit nëse vëllai im do ta marrë shishen në dorë,” – shkroi motra e “Gazza”.
