Ndërsa Kryeministri Edi Rama njoftoi sot se do të çojë për votim në kuvend amnistinë fiskale, duket se ekspertët e ekonomisë, nuk bine të gjithë dakord mbi efektet e saj.
Në një lidhje në emisionin “Opinion” ish-guvernatori i Bankës së Shqipërisë Ardian Fullani u shpreh se ai mendonte që ne nuk jemi të përgatitur për këtë amnisti. Sipas Fullanit ky hap do të prishte bazën fiskale dhe do të krijonte idenë që kjo mund të bëhet përsëri.
“ Më e rëndësishme për ne është barazia ndaj ligjit e të gjithëve. Unë nuk kam rast në botë, ku amnistia fiskale, rrit zhvillimin ekonomik të vendit dhe ka ndihmuar në ulejn e tensioneve sociale. Asnjë rast. Ne duhet t’i vemë rëndësi reformës strukturore në fisk, sesa amnistisë që është një akt puro politik. E fundit, ne kemi likuiditet nëpër banka. Ne problemin kryesor e kemi si t’i cojmë këto para në ekonomi. Bankat kanë rreth 50 përqind të depozitave në euro”, tha Fullani./Opinion.al
