Pas lëvizjes së Shefes së Infektivit Najada Çomo në PS,ditën e sotmje është pyetur dhe mjeku Pëllumb Pipero a do të pranonte një ofertë të tillë nëse do i jepej.
Në ABCNews Pipero tha se për të nuk është koha e përshtatshme që t’i futet politikës, megjithatë do e merrte në konsideratë.
“Është pyetje e vështirë. Nuk e jap dot përgjigjen e saktë tani. Kam diskutuar në familje, kam biseduar edhe me vajzën, të paktën për mua nuk është koha e përshtatshme për t’ju futur politikës sepse kemi Covidin përballë. Na duhen më shumë punë për ta mundur pandeminë. Duhet ta kesh ofertën që ta marrësh vendimin. Ju thoni kurrë mos thuaj kurrë. Është pyetje hipotetike. Po të ishte oferta do mendohesha mirë”, tha mjeku.
