Ftesës për dialog, që kryeministri Edi Rama i bëri kryedemokratit Lulzim Basha, i është përgjigjur një nga deputetët e Partisë Demokratike.
Klevis Belliu, nga protesta e banorëve të Unazës së Re, deklaroi: “Sot Edi Rama i ka bërë një ftesë opozitës për të diskutuar, ku do të flasim? Ne do të flasim kur të anulosh projektin këtu te Unaza e Re, kur të ketë zgjedhje të lira, kur ti shkosh para drejtësisë, kur të veshë ato byzylykët. Kam edhe diçka për Knut Fleckenstein, ky ‘niçja’ jonë nuk është filozof, se mos e ke ngatërruar se ky i joni është trafikant. Në 5 mars do të jemi para parlamentit dhe ejani të përgatitur pasi kemi përballë kumbarin e krimit të organizuar. Ejani për ti dhënë atë që meriton atij parlamenti të drogës, vetëm ju e keni fuqinë për ti dhënë atë që meriton. Ejani për ta shkulur krimin e organizuar”.
Megjithatë kjo nuk është një përgjigje zyrtare nga PD, pasi lideri demokrat ende nuk ka folur./ Opinion.al
