Presidenti, Ilir Meta ka folur për herë të parë ditën e sotme për ftesën e Ramës për një bashkëpunim me Partinë Demokratike.
Meta është shprehur se ftesa e Ramës është shumë e sinqertë, por shton se nëse PD do të bëjë bashkëpunim me PS duhet ta shpallin që tani. Më tej ai thotë se po të duan edhe 12 subjektet garuese le të bëjnë bashkëpunim, por në fund sipas Presidentit do të munden nga Boiken Abazi, kandidati për deputet i Vetëvendosjes.
“Ftesa e Ramës është shumë e sinqertë, si gjithmonë, si 17 maji. Përgjigjja ime në parim është kjo: Ka moral, ka legjitimitet çdo koalicion që shpallet para se qytetarët të votojnë. Do të bëjë koalicion PS dhe PD ta shpallin që tani, në mënyrë që të marrin votëbesim plebishitar. Do ta bëjë LSI me PS, ta shpallin që tani. Duan ta bëjnë që të trija, ta shpallin që tani. Duan ta bëjnë që të 12-ta, ta shpallin që tani. Të jenë të sigurt do t’i mundi Boikeni edhe i vetëm”, tha Meta./Opinion.al
