Dy shqiptarë të cilët akuzohen për trafik droge kanë dalë përpara trupit gjykues në Itali. Bëhet fjalë për Gazmir Trezhnjeva 36 vjeç dhe Shpëtim Merhadi 34 vjeç.
Arrestimi i tyre është bërë në Dhjetor të vitit të kaluar, pas një operacioni policor anti-drogë.
Për Gazmir Trezhnjevën gjykata vendosi 4 vjet burg si dhe 14 000 euro gjobë, ndërsa për Shpëtim Merhardin, dy vite e katër muaj burg.
Sipas policisë, dy shqiptarët në bashkëpunim me një italian ishin të përfshirë në veprimtarinë intensive të drogës, të cilët merreshin kryesisht me heroinë.
Pas një hetimi intensiv të policisë, u konstatua se Trezhnjeva në bashkëpunim me dy personat e tjerë e fshihnin drogën në disa pyje në Savona,Itali, ku edhe kontaktet me klientët i kishin aty.
36 vjeçari u arrestua në banesën e tij, ku në cilësinë e provës materiale atij iu gjetën 80 gram heroinë, 3500 euro si dhe disa telefona celularë. Ndërsa arrestimi i Shpëtim Merhardit është bërë në Savona pas operacionit blic të policisë./Klan
