Sport

FSHF kërkesë ministrisë: Të rikthehen tifozët në stadiume


Bëhu pjesë e Grupit Zyrtar të Opinion.al
>> KËTU <<
               Publikuar në : 19:12 - 26/07/21 |
Opi Nion

Federata Shqiptare e Futbollit i kërkon Ministrisë së Shëndetësisë dhe Komitetit Teknik të Ekspertëve, lejimin e tifozëve në stadiume me kapacitet të plotë.

Nëpërmjet një letre drejtuar ministres së Shëndetësisë, Ogerta Manastirliu, FSHF kërkon që të lejohet prania e tifozëve shqiptarë në stadiume, në kuadër të ndeshjeve që klubet shqiptare po zhvillojnë në kompeticionin “UEFA Conference League” si dhe në mbështetje të Kombëtares shqiptare, në dy ndeshjet që kuqezinjtë do të zhvillojnë në shtator kundër Hungarisë dhe San Marinos, të vlefshme për Kupën e Botës 2022.

Kërkesa e FSHF

Federata kujton dhe zhvillimin e Kampionatit Evropian në shumë shtete të Europës, ku stadiumet ishin plot, por duke zbatuar masat nuk pati përhapje masive të Covid.

“Nisur nga këto eksperienca pozitive dhe inkurajuese, bashkuar me vaksinimin masiv të popullsisë nga ana e MSHMS, Ju drejtohemi me këtë kërkesë për lejimin spektatorëve në stadium me kapacitet të plotë, paraprakisht për klubet tona të cilat janë në një rrugëtim historik të kompeticionit më të ri Europian, ashtu edhe të ekipit tonë kombëtar në ndeshjet deçizive të Shtatorit. Sërish, përtej të gjitha masave rigoroze të Protokollit të Rikthimit në Lojë të UEFA-s, dhe për të ruajtur sigurinë dhe shëndetin e lojtarëve dhe spektatorëve, ne si FSHF do të marrim masa që të hyjnë aksesin në stadium, në këtë fazë, ta kenë vetëm personat e vaksinuar”, citohet në kërkesën e FSHF.

FSHF shprehet e gatshme të marrë të gjitha masat që tifozët e pranishëm në stadium do të jenë të vaksinuar si dhe do të ndiqet me rigorozitet të plotë Protokolli i Rikthimit në Lojë. Deri tani Komiteti i Ekspertëve ka lejuar vetëm 30% të kapacitetit të stadiumeve.

Pas