Pasi janë shkarkuar një sërë drejtorësh të LSI dhe ndonjë i PS, radha i vjen PDIU-së, partisë tjetër në koalicionin e majtë.
Ka qenë ministrja teknike e Mirëqenies Sociale Xhulieta Kërtusha ajo që ka firmosur masën disiplinore për largim nga puna të Drejtorit Rajonal të Sigurimeve Shoqërore në qytetin e Elbasanit.
“Ministrja Kërtusha i ka propozuar Astrit Hado, Drejtor i Institutit të Sigurimeve Shoqëore, largimin nga puna të z. Ervis Xhelo me detyrë, “Drejtor i Drejtorisë Rajonale të Sigurimeve Shoqërore” Elbasan, me arsyetimin se ekzistojnë faktet që vërtetojnë se z. Xhelo ka marrë pjesë në fushatën elektorale të Partisë Drejtësi, Integrim dhe Unitet , gjatë orarit zyrtar të punës”, thuhet në njoftimin për mediat të këtij dikasteri.
