Sarandë – Një person ka rënë në pranga të policisë pasi është kapur me 68.23 kg drogë.
Sipas policisë është arrestuar Ajet Lata, 65 vjeç, lindur në Tepelenë, banues në Gjashtë të Sarandës.
Arrestimi i tij u bë pasi gjatë kontrollit të ushtruar në banesën e tij në fshatin Gjashtë të Sarandës, shërbimet kanë konstatuar një sasi me lëndë narkotike me peshë totale prej 68.23 kg e dyshuar të llojit kanabis sativa.
Lënda narkotike u gjet e fshehur në depon e banesës së 6, në një bidon plastik brenda të cilit ishin futur 22 pako me lëndë narkotike, mbështjellë me qese plasmasi dhe natriban ngjyrë kafe./tvklan.al
