Kartolina e urimit e zgjedhur nga Papa Françesku në vigjilje të Ditës Botërore të Paqes, është një imazh tragjik i luftës pas bombardimit atomik të 1945 në qytetin japonez të Nagasakit; si reflektim ndaj paqes.
Dita Botërore e Paqes do të festohet më datë 1 janar 2018.
Në foton e fotografit Joseph Roger O’ Donnell, shfaqet një djalë i vogël me vëllain e vdekur që e mban mbi supe, ndërsa pret radhën e tij për t’a kremuar në krematorium.
“Fruti i luftës” është mesazhi personal i autografuar nga Ati i Shenjtë në këtë kartolinë. “Trishtimi i vogëlushit shprehet vetëm në buzët e tij të kafshuara e në gjakun që i rrjedh.”
Papa Francesku është prekur mjaft nga ky imazh duke i kërkuar Zyrës së Shtypit të Selisë së Shenjtë të shpërndaj këtë kartolinë duke i ftuar të gjithë të reflektojnë ndaj pasojave të konflikteve të luftës.
Pak ditë më parë gjatë një konferencë meshtare Ati i Shenjtë u shpreh se “Armët e shkatërrimit në masë e në veçanti ato atomike nuk mund të përbëjnë bazën e bashkëjetesës paqësore midis anëtarëve të familjes njerëzore e cila duhet të frymëzohet nga etika dhe solidariteti.”
