Sot nis marrëveshja me Bashkimin Europian për monitorimin e kufijve shqiptarë nga 50 oficerë të FRONTEX .
Dimitris Avramopoulos, Komisioneri Evropian për Migracionin, Çështjet e Brendshme dhe Shtetësinë, u shpreh se këto masa synojnë kontrollin e emigracionit të paligjshëm, si dhe të luftojë trafikun e qenieve njerëzore apo veprimtarit e tjera kriminale.
Avramopoulos tha se sovraniteti i Shqipërisë për kontrollin e kufirit të saj nuk preket, pasi oficerët e FRONTEX do të veprojnë nën instruksionin dhe praninë e rojës shqiptare.
“Nis një faze e re mes BE dhe Ballkanit Perëndimor, por hap para drejt operacionalizimit të agjencisë. Sfidat e sigurisë që po hasim sot e ato që mund të përballin, është të punojnë ngushtësisht si fqinj dhe partnerë, ajo që ndodh në Shqipëri dhe Ballkanin Perëndimor prek BE dhe anasjelltas. Kjo na lejon të demonstrojmë para qytetarëve se siguria e tyre është në qendër të vëmendjes sonë. Lëvizja pa viza është arritje madhore, që sjell të mira për të gjitha palët ndaj duhet ta ruajmë, së bashku me rojën shqiptare, Frontex do të bëjnë kontrolle dhe vëzhgime për të parandaluar kalime të paautorizuara dhe të ndalojmë kriminalitetin. Shqipëria mbetet përfundimisht përgjegjëse për ruajtjen e kufirit të saj asnjë pikë dyshimi sa i takon sovranitetit kombëtar, skuadrat tona do të bëjnë detyrat në këtë territor vetëm nën instruksionin dhe praninë e rojës suaj kufitare”- tha ai./ Opinion.al E.Xh.
