Si rrallëherë kreu i Komunitetit Mysliman shqiptar, Skender Bruçaj ka dalë në një deklaratë kur luhet nje ndeshje futbolli. Reagimi i tij, është nxitur nga veprimet policore dhe hetimore te cilat arrestuan 4 persona te dyshuar per sulme terroriste gjatë ndeshjes Shqiperi-Izrael. Lajmi se lojëtarët e Izraelit janë të kërcënuar në Shqipëri prej sulmeve të ISIS ka detyruar Bruçajn te nxjerr ne pah faktin se myslimanët shqiptarë kanë mirëpritur hebrenjte pas luftës dhe se askush nuk duhet te kete frike prej tyre.
Reagimi i plotë i Skender Brucajt në facebook
Krenarë për popullin tonë ndër shekuj, që diti historikisht të ruante vlerat më të larta humane, atë të mikpritjes dhe tolerancës e harmonisë ndërfetare.
Krenarë për të parët tanë myslimanë shqiptarë, besimtarë e bujarë, që strehuan mijëra hebrenj në shtëpitë e tyre gjatë Luftës së II-të Botërore, duke u bërë vendi i vetëm në Evropë, që kishte më shumë hebrenj pas lufte se para saj.
Sportistëve dhe mysafirëve nga Izraeli i uroj qëndrim të qetë e në paqe në token shqiptare!
Dhe gjithashtu i uroj fitore kombëtares së mrekullueshme shqiptare, për të cilën jemi të gjithë krenarë!
